Վիճակագրություն
Փոքր և միջին ձեռնարկատիրության զարգացման ընդհանուր նկարագիրը ՀՀ-ում
ՓՄՁ պետական աջակցության ուղղությամբ իրականացվող հետևողական քաղաքականության արդյունքում վերջին տարիներին արձանագրվել է ՓՄՁ ոլորտը բնութագրող ցուցանիշների դինամիկ աճ:
2006 թվականին ՓՄՁ տեսակարար կշիռը երկրի համախառն ներքին արդյունքում (ՀՆԱ) կազմել է 40.3% 2005 թվականի 39.8%-ի դիմաց: Հատկանշական է, որ 2006 թվականի ՀՆԱ-ում ՓՄՁ տեսակարար կշռի կառուցվածքում առավել մեծ մասնաբաժին են ունեցել փոքր կազմակերպությունները` 17.6%, գերփոքրի` 11.3% և միջինի 11.4%-ի դիմաց: Նշանակալի է ՓՄՁ սուբյեկտների մասնակցությունը նոր աշխատատեղերի ստեղծման գործում: 2006 թվականի ընթացքում ստեղծված ՓՄՁ սուբյեկտների թվաքանակը կազմել է ավելի քան 10 հազար, որի արդյունքում ստեղծվել է շուրջ 14.5 հազար նոր աշխատատեղ: 2006 թվականի ընթացքում նոր ՓՄՁ սուբյեկտների ստեղծման, ինչպես նաև գործող ՓՄՁ սուբյեկտների գործունեության ընդլայնման արդյունքում ստեղծված նոր աշխատատեղերի թիվը կազմել է 20.3 հազար, որից 50.2%-ը կամ 10.2 հազարը` ՀՀ մարզերում, իսկ 49.8%-ը կամ 10.1 հազարը` Երևանում: 2006 թվականին ավելացել է նաև ՓՄՁ մասնաբաժինը երկրի արտահանման ծավալում` կազմելով 16.9% 2005 թվականի 16.4%-ի և 2003 թվականի 14.3%-ի դիմաց: Հայաստանում ՓՄՁ զարգացման ինդեքսը, հաշվարկված ՄԱԿ-ի կողմից սահմանված մեթոդոլոգիայով, 2006 թվականին կազմել է 237.2, որը 2002 թվականի համեմատությամբ ավելացել է 4 անգամ:
Փոքր և միջին ձեռնարկատիրության ոլորտը Հայաստանում 2003-2004թթ
Փոքր և միջին ձեռնարկատիրության ոլորտը Հայաստանում 2004-2005թթ.
