Տեխնոլոգիական համագործակցության հիմնապաշարը (ՏՀՀ)
Տեխնոլոգիական համագործակցության հիմնապաշարը (ՏՀՀ) Ձեռնարկությունների եվրոպական ցանցի (ՁԵՑ) գործիքներից է և ստեղծվել է Եվրահանձնաժողովի կողմից` նպատակ ունենալով կազմակերպությունների միջև խթանել ՁԵՑ անդամ երկրների կազմակերպությունների միջև տեխնոլոգիական համագործակցությունը: Այն իր մեջ է ներառում տարբեր ոլորտներում գործող արտասահմանյան կազմակերպությունների, գիտահետազոտական կենտրոնների և համալսարանների կողմից ներկայացված տեխնոլոգիական առաջարկներ և հարցումներ:
Օգտվելով գործընկերների որոնման հիմնապաշարից` դուք կարող եք առաջարկել ձեր տեխնոլոգիան և/կամ որոնել նոր տեխնոլոգիաներ ՁԵՑ անդամ երկրներում:
Եթե դուք զբաղվում եք նորարարությունների կամ տեխնոլոգիայի զարգացմամբ և ցանկանում եք այն հասանելի դարձնել 45 երկրների սպառողների համար և իրականացնել տեխնոլոգիայի փոխանցում , ապա կարող եք լրացնել Տեխնոլոգիայի առաջարկի (ՏԱ) հայտաձևը կամ եթե փնտրում եք գործընկերներ, որոնք տեխնոլոգիայի փոխանցման միջոցով կօգնեն ձեզ լուծել խնդիրներ, ապա կարող եք լրացնել Տեխնոլոգիայի հարցման (ՏՀ) հայտաձևը` հիմնապաշարում տեղադրելու համար: Խնդրում ենք լրացված հայտաձևը ուղարկել հետևյալ էլ. հասցեով` enterprise-europe-network@smednc.am:
Ստորև ներկայացված են տեխնոլոգիական համագործակցության առաջարկներ և հարցումներ` Հայաստանից և ՁԵՑ (Ձեռնարկությունների եվրոպական ցանցի) անդամ երկրներից:
Հետաքրքրություն առաջանալու դեպքում կարող եք այցելել Հայաստանի ՓՄՁ զարգացման ազգային կենտրոնի երևանյան կամ մարզային գրասենյակներ` համագործակցության հաստատման հետագա փուլերում աջակցություն ստանալու համար:
