Ձեռնարկությունների Եվրոպական Ցանց
Գործարար համագործակցությունը Ձեր կողքին
Բարի գալուստ Ձեռնարկությունների եվրոպական ցանց (ՁԵՑ), Ձեր գործարար ուղին դեպի նորարություն և մրցունակություն: Որտեղ էլ լինեք Եվրոպայում, դուք կարող եք անհրաժեշտ տեղեկատվություն ստանալ` Ձեր բիզնեսի զարգացման և համապատասխան գործընկերների հայտնաբերման նպատակով:
ՁԵՑ-ը եվրոպական նոր նախաձեռնություն է, որի նպատակն է գործարար և նորարարական աջակցություն տրամադրել ձեռնարկություններին Եվրոպայում և նրանից դուրս:
Ձեռնարկությունների եվրոպական ցանցը, որը պաշտոնապես սկսել է իր գործունեությունը 2008 թվականի փետրվարից, իր մեջ է ներառում ավելի քան 44 անդամ երկրների շուրջ 600 գործընկեր կազմակերպություններ, տրամադրելով բազմաթիվ մասնագիտացված գործարար ծառայություններ իր շահառու կազմակերպություններին: Այն աջակցություն և խորհրդատվություն է տրամադրում գործարարներին և օգնում առավելագույնս օգտագործել Եվրամիության կողմից ընձեռած հնարավորությունները: Մեր ծառայությունները մասնավորապես նախատեսված են փոքր և միջին ձեռնարկությունների համար, սակայն հասանելի են նաև բոլոր ձեռնարկություններին, գիտահետազոտական կենտրոններին և համալսարաններին: (http://www.enterprise-europe-network.ec.europa.eu)
Սկսած 2008 թվականից "Հայաստանի փոքր և միջին ձեռնարկատիրության զարգացման ազգային կենտրոն" հիմնադրամը դարձել է Հայաստանում ՁԵՑ-ի հյուրընկալող գործընկեր կազմակերպություն` Եվրահանձնաժողովի կողմից գործընկեր կազմակերպությունների ընտրության նպատակով հայտարարված մրցույթի արդյունքում և ներկայումս գործում է որպես "Ձեռնարկությունների Եվրոպական ցանցի հաղորդակցման կենտրոն Հայաստանում՚" (ՁԵՑՀԿՀ):
ՁԵՑ-ը առաջարկում է հետևյալ ծառայությունները.
- տեղեկատվության տրամադրում Եվրամիության քաղաքականության, օրենսդրության, ստանդարտների, ֆինանսավորման հնարավոր աղբյուրների, գործարար համագործակցության հնարավորությունների և ԵՄ այլ ընդհանուր հարցերի վերաբերյալ,
- աջակցություն ձեռնարկություններին նոր գործարար համագործացության ուղղության որոշման, շուկայի հետազոտությունների և պոտենցիալ գործընկերների հայտնաբերման գործում,
- աջակցություն բանակցությունների վարման և համագործակցության համաձայնագրերի կնքման գործընթացներում,
- աջակցություն ձեռնարկություններին միջազգային շուկայում գործունեության իրականացման համար իրենց պատրաստվածության և հնարա¬վորությունների գնահատման առումով,
- աջակցություն նորարարություններ կիրառող ՓՄՁ սուբյեկտներին իրենց նախաձեռնությունների փորձարկման և կոմերցիալիզացիայի գործում,
- հետադարձ կապի ապահովում, արձագանքում ձեռնարկությունների կողմից բարձրացված խնդիրներին:
Տրամադրելով բարձրակարգ և անվճար ծառայություններ` Ձեռնարկությունների եվրոպական ցանցի նպատակն է օգնել կազմակերպություններին լինելու առավել մրցունակ և նորարար:
Տեխնոլոգիական համագործակցության հիմնապաշարը (ՏՀՀ) Ձեռնարկությունների Եվրոպական Ցանցի ՏՏ գործիքներից է և ստեղծվել է նպատակ ունելալով խթանել կազմակերպությունների միջև տեխնոլոգիական համագործակցության հաստատումը: Այն իր մեջ է ներառում արտասահմանյան կազմակերպությունների, գիտահետազոտական կենտրոնների և համալսարանների կողմից ներկայացված տեխնոլոգիաների մի շարք առաջարկներ և հարցումներ:
Օգտվելով գործընկերների որոնման հիմնապաշարից` դուք կարող եք առաջարկել ձեր տեխնոլոգիան և/կամ որոնել նոր տեխնոլոգիաներ: Կարդալ ամբողջը
Գործարար համագործակցության հիմնապաշարը (ԳՀՀ) Ձեռնարկությունների Եվրոպական Ցանցի ՏՏ գործիքներից է և ստեղծվել է նպատակ ունելալով խթանել կազմակերպությունների միջև գործարար համագործակցության հաստատումը: Այն իր մեջ է ներառում տարբեր ոլորտներում գործող արտասահմանյան կազմակերպությունների կողմից ներկայացված մի շարք գործարար առաջարկներ: Կարդալ ամբողջը
Միջոցառումներ
Ձեռնարկությունների եվրոպական ցանցը պարբերաբար կազմակերպում է բազմաթիվ միջոցառումներ` ներկայացնելու կազմակերպություններին իր գործունեությունը տարածաշրջանային, ազգային և եվրոպական մակարդակով: Միջոցառումների օրացույցը իր մեջ է ներառում անցած և գալիք բոլոր միջոցառումները:
Այս բաժինը պարբերաբար թարմացվում է:
Հետաքրքության դեպքում մանրամասն տեղեկատվություն ստանալու համար կարող եք դիմել Ձեռնարկությունների եվրոպական ցանցի հաղորդակցման կենտրոն Հայաստանում:
Նորությունների էլեկտրոնային պարբերական
Ձեռնարկությունների եվրոպական ցանցի հաղորդակցման կենտրոնը Հայաստանում ամիսը մեկ անգամ պարբերականությամբ թողարկում է իր նորությունների էլեկտրոնային պարբերականը, որն իր մեջ է ներառում նորություններ և միջոցառումներ , գործարար առաջարկներ արտասահմանից` ուղղված Հայաստանում առևտրային և տեխնոլոգիական համագործակցության որոնմանը:
Մեր էլեկտրոնային պարբերականի միջոցով եղեք իրազեկ վերջին նորություններին և հնարավորություններին:
Բաժանորդագրվեք` ստանալու նորությունների էլեկտրոնային պարբերականն անվճար:
