1994 թ. Արևիկ, Լիլիթ և Աննա անունով ընկերուհիները միավորվել և ստեղծել են այսօր Հայաստանում հայտնի ԱՐԼԻԱՆ թրենինգային և խորհրդատվական ընկերությունը: Գաղափարը եղել է Արևիկ Սարգսյանինը: Նրա եղբայր Արսենն ընկերության հիմնադրումից երկու տարի առաջ Մոսկվայից ուղարկել էր հանրային կապերի մասին Սեմ Բլեքի հեղինակած գրքերից մեկը: «Գիրքը շատ հետաքրքրեց ինձ: Այն ժամանակ բոլորիս համար մարկետինգ, PR և նման հասկացությունները դեռ նոր էին: Երբ ես իմ շրջապատում առաջարկում էի ստեղծել բիզնես խորհրդատվական կազմակերպություն, բոլորը ծիծաղում էին, թե` երկրում բիզնես չկա, ի՞նչ բիզնես խորհրդատվական կազմակերպության մասին է խոսքը»,- հիշում է 47-ամյա Արևիկ Սարգսյանը:

Հանդիպման մասնակիցները որոշել են հրապարակել գրքույկ՝ Հայաստանում ՓՄՁ սուբյեկտների մտավոր սեփականության իրավունքի գրանցման և օգտագործման հետ կապված խնդիրների վերաբերյալ:  

«Ատեքս» նորաձևության կենտրոնը Հայաստանում գործում է արդեն 22 տարի: Չնայած Կարինե Դնոյանն այնտեղ աշխատել է հիմնադրման օրից, կենտրոնի ղեկավարն է դարձել 11 տարի առաջ: «Ինձ Մոսկվայում սովորելուց հետո երեք տարով գործուղման ուղարկեցին Հայաստան, այն ժամանակ այդպես էր, որպեսզի ես աշխատեմ այստեղի կարի ֆաբրիկաներից մեկում: Բայց այդ երեք տարին ձգվում է մինչև հիմա»,- ժպտալով հիշում է փորձառու դիզայներ-մոդելավորողը: Կարինե Դնոյանը 2013 թ. ապրիլին պարգևատրվել է ՀՀ վարչապետի «Լավագույն կին գործարար» մրցանակաբաշխության «Կին արտադրողի լավագույն ապրանքանիշ» մրցանակով: Նա մրցանակը ստանալիս ընդգծել է, որ զգացված է 20 տարուց ավելի աշխատելուց հետո պետության ղեկավարների կողմից նման գնահատականին արժանանալու համար: 

ՓՄՁ ԶԱԿ-ին անհրաժեշտ է աշխատակից, որը պարտավորվում է ապահովել ՓՄՁ ԶԱԿ-ի շրջանակներում իրականացվող ծառայությունների իրականացումը` Տավուշի մարզի Նոյեմբերյան տարածաշրջանի բիզնես միջավայրի զարգացմանն աջակցելու նպատակով:  

45-ամյա Զարուհի Անդրիասյանը նորարար տեխնոլոգիաների և համայնքի զարգացման հարցերով զբաղվում է 1998 թ.-ից: Այդ ժամանակ նա հիմնադրել է «Նորարար տեխնոլոգիաների կենտրոն» հասարակական կազմակերպությունը: Այն զբաղվել է լեռնային գոտիներից հավաքած վայրի բույսերի վերամշակմամբ, հանուկներ ստանալով, հետազոտություններով: Բացի այդ, հետազոտել են լեռնային գոտիների ջուրը, հողը և բուսականությունը: 

Հարգելի գործարար, կից Ձեզ ենք ներկայացնում հայ-գերմանական գործարար տեղեկաթերթը, որում ներկայացված են գերմանական ընկերությունների կողմից առաջարկված գործարար համագործակցության առաջարկներ, օգտարար տեղեկատվություն և  ինֆորմացիա Հայաստանում  Գերմանիայի տնտեսագիտական միության վերաբերյալ:

Ծրագիրը ներառում է ուսուցողական, տեղեկատվական, մասնագիտական խորհրդատվության և ֆինանսական աջակցության տրամադրման բաղադրիչներ: Մասնակցելով ծրագրին սկսնակ գործարարները ստանում են բիզնեսի պլանավորման, շուկայավարման, կառավարման, արտադրության և ֆինանսների պլանավորման գիտելիքներ և համապատասխան գործարար հմտություններ:

Հայաստանի ՓՄՁ ԶԱԿ-ը կազմակերպում է սկսնակ հաշվապահների անվճար դասընթաց, որին կարող են մասնակցել ՓՄՁ սուբյեկտների տնօրեններ, ովքեր ցանկանում են վարել հաշվապահություն իրենց կազմակերպություններում, ինչպես նաև բոլոր նրանք ովքեր ցանկանում են սովորել հաշվապահություն:

Դանիել Ավանեսյանը 25 տարեկան է: Նա տուրիստական բիզնեսում արդեն երկու տարվա փորձ ունի: Սեփական գործ հիմնելու գաղափարն առաջացել է Անցած տարի, երբ ուսումնասիրել է ոլորտը և հասկացել, որ այն զարգանում է և  կարող է ապահովել իր եկամուտը. «Տեսա, որ Հայաստանում տուրիզմը տարեց-տարի ավելի է զարգանում: Ես էլ որոշեցի այդտեղ փորձել ուժերս, համ էլ ՓՄՁ ԶԱԿ-ն այդ պահին հարմար տարբերակ առաջարկեց»,- նշում է Դանիելը: 

Ծրագրի նպատակը Հայաստանում ճապոնական «Մեկ գյուղ, մեկ արտադրանք»(One Village One Product-OVOP)  հայեցակարգի տեղայնացման միջոցով տեղական արտադրանքի և ծառայությունների զարգացումն ու նոր ապրանքանիշերի ստեղծումը և առաջմղումն են, որոնք ճանաչելի կլինեն տեղական, և հետագայում նաև արտաքին շուկաներում: